Дар мақола консепсия, меъмории нармафзор ва усули арзёбии барномаи «Маърифатнома» пешниҳод мегардад. Барнома барои дастрасӣ ба китобҳо, осор, пешниҳодҳо, иқдомҳо ва ташаббусҳои Президенти Ҷумҳурии Тоҷикистон Эмомалӣ Раҳмон, ҷустуҷӯи мавзӯӣ ва саволу ҷавоб бо истифода аз зеҳни сунъӣ пешбинӣ шудааст. Масъалаи асосии тадқиқот пайвастани ҳар ҷавоби тавлидшуда ба манбаи мушаххас ва нигоҳ доштани саҳеҳии матни аслӣ мебошад. Ҳалли пешниҳодӣ феҳристи рақамӣ, пойгоҳи дониш, ҷустуҷӯи калидвожавию маъноӣ ва тавлиди ҷавоб дар асоси порчаҳои дарёфтшудаи ҳуҷҷатҳоро муттаҳид мекунад.